ဒီစစ်ပွဲပြီးရင် ကျောင်း..တက်..ချင်..တယ်

(၁)
သေမင်းဟာ
ရိုင်ဖယ်ကို ပခုံးမှာချိတ်
စာသင်ခန်း တံခါးတွေကို ပိတ်လိုက်တယ် ….။
(၂)
စာအံသံတွေ ပျောက်ဆုံး
ဗုံးဆံတွေ မိုးချုန်းသလို ရွာချ …၊
          အမှန်တရားတောင်ကုန်းကို
          လက်နက်ကြီး အင်အားသုံးပြီး
          သိမ်းပိုက်ဖို့ ကြိုးစားနေကြတယ်..။
မျက်ရည်နဲ့
အလောင်းကောင်တွေပေါ်က “အမှန်တရား” …
          ဘယ်ပြည့်တန်ဆာကတောင်မှ
          လေးစားမှာ မဟုတ်ဘူး ..။
စစ်ယူနီဖောင်း ရင်ဘတ်ပေါ်
ချိတ်ဆွဲထားတဲ့ တံဆိပ်တွေဟာ
          စစ်ဘေးဒဏ်ကြောင့် သေသွားတဲ့
          ကလေးတွေရဲ့ အရေအတွက်နဲ့
          ထပ်တူအချိုးကျပါသလား ..။
စစ်နတ်ဘုရားရဲ့ သင်္ချာကို
ငါ လက်ချိုးရေတွက်နေတယ်..။
(၃)
စပါးပင်ပျိုးရမယ့် တောင်ယာမြေမှာ
ငါ့အဖေရဲ့ ခန္ဓာကိုယ်အပိုင်းအစ
          ဖြစ်သလို မြှုပ်ပစ်ခဲ့ရတယ်..။
အမြောက်ဆံ ပေါက်ကွဲနေတဲ့ နေရာကမြက်ပင်လို
မိသားစုဘဝတွေ ပြတ်ထွက်လွင့်စင်ကြ..၊
အမေရေ … ဒီ တစ်သက်တော့
          ထမင်းလက်ဆုံစားခွင့်မရှိတော့ဘူး..။
ဦးခေါင်းထက်မှာ ကျည်ဆန်တွေက
နတ်ဆိုးရဲ့ လေချွန်သံလို
          တရွှီရွှီမြည်နေတုန်း
မြေလွှာအောက်က မိုင်းဗုံး
“ဝုန်း” ခနဲ ပေါက်ကွဲတယ်..။
ငါ့အနာဂတ် မျှော်လင့်ချက်ဟာ
ခြေထောက်တစ်ဖက်နဲ့အတူ ပြုတ်ထွက်လွင့်စင်သွားပေါ့ ..။
“ငါ့အိမ် ငါ ပြန်လာတာလေ!!
ဒါဟာ ‘အသွားမတော်တစ်လှမ်း’ ဖြစ်ခဲ့ပါသလား”
          မျက်ရည်အဝဲသားနဲ့ မေးခွန်းထုတ်မိ
          ငါ့ဘဝကတော့
ငါ့ ဒူးဆစ်လို ငုံးတိတိ ဖြစ်လို့နေလေရဲ့..။
ငြိမ်းချမ်းရေး မိုးခေါင်ရပ်ဝန်းဒေသမှာ
          သားပျောက်တဲ့ အမေတွေနဲ့
          အမေပျောက်တဲ့ သားတွေ
အားလုံးဟာ လူအဖြစ်ကနေ လျှောကျ
တိရစ္ဆာန်တွေလို အမဲလိုက်ခံနေရတယ်..။
အမေအိုတို့ရဲ့ ငိုကြွေးသံ
မြစ်သောင်ယံမှာ စီးဆင်း
ဧရာဝတီဟာ သွေးချင်းချင်းနီ … လို့။
(၄)
လက်ဝါးကပ်တိုင်ထက်မှာ
ချစ်ခြင်းမေတ္တာတရားကို သံမှိုနှက်
အာဏာပါးကွက်သားတို့က ကွပ်မျက်ကြတာကို
          ‘စစ်ပွဲ’ လို့ခေါ်တယ်..။
စစ်ပွဲမှာ
ဘယ်သူနိုင်နိုင် … ဘယ်သူရှုံးရှုံး
နောက်ဆုံးမှာ
အမှန်တရားကပဲ သိမ်းပိုက်၊
          မိဘမဲ့သွားတဲ့ ကလေးတွေကို
          လောကထဲ မောင်းထုတ်လိုက်ကြတယ်..။
အို … သွေးဆာသူတို့
          ရက်စက်ကြမ်းကြုတ်သူအပေါင်းတို့ …
အပြစ်မဲ့သူတွေရဲ့ သွေးနဲ့ ဘိသိက်မြှောက်
သူသတ်ကုန်းမှာ ဆောက်တဲ့ နန်းတော်ဆီ
ငါတို့ ဘယ်တော့မှ လက်အုပ်မချီဘူး …။
(၅)
“ကျည်ဆံဖိုးတွေ ထပ်မဖြုန်းပါနဲ့
          ပေါင်မုန့်တစ်လုံးလောက် ဝယ်ပေးပါ ..”
စစ်ပွဲတစ်ပွဲမှာ
          ပထမဦးဆုံးပစ်တဲ့ ကျည်ဆန် ..။
          “ကိုယ်ချင်းစာတရား” ကို မှန်တယ်။
ကိုယ်ချင်းစာတရား ကျဆုံးခြင်းဟာ
နိုင်ငံတော် ဈာပန ပဲ ..။
ကဲ … အလံတစ်ဝက် လွှင့်ထူကြ၊
          ကမ္ဘာမကြေသီချင်းကို ဆိုတဲ့အခါ
ငိုသံပါနေရတာလောက်
ဝမ်းနည်းစရာကောင်းတာ မရှိဘူးလေ ..။
(၆)
“မုန်းတီးစိတ်တွေ
နောက်မျိုးဆက်ကို အမွေမပေးစေရ။ အာမဘန္တေ”
ငြိမ်းချမ်းရေးသီလယူသံ
ကောင်းကင်ထက်မှာ ညံပါစေ။
ကလေးတွေရင်ထဲက တောင်းဆုနဲ့
ငါတို့အားလုံး ဝတ်ပြုကြရအောင် ..
          “မေမေဝယ်ပေးတဲ့ ကျောက်သင်ပုန်းပေါ်မှာ
          ဝလုံး ဝိုင်းဝိုင်းတွေ ခြစ်ဆွဲ
          ဒီစစ်ပွဲပြီးရင် ကျောင်း .. တက် .. ချင် .. တယ်”

Published on Sunday, 28 October 2012 03:35

Written by မင်းခိုက်စိုးစန်

 BY-http://www.maukkha.org/