နားခိုစရာလေး တစ်ခုတော့ လိုချင်တယ်

ကျွန်မတို့မှာ မိသားစုသုံးယောက် ရှိပါတယ်။ ကျွန်မတို့ လင်မယား နှစ်ယောက်ရယ်၊ ကျွန်မသမီးလေးရယ်ပေါ့။  ကျွန်မအမျိုးသားက ကုမ္ပဏီတစ်ခုမှာ အလုပ်လုပ်ပါတယ်။ တစ်လကို နှစ်သိန်းလောက် ရပါတယ်။ ကျွန်မကတော့ ကလေးမွေးပြီးကတည်းက ကျွန်မကလေးကို ကူညီကြည့်ရှုပေးမယ့် လူခွဲမရှိတာနဲ့ အလုပ်လုပ်လို့ မရတော့တာပါ။ ကျွန်မတို့ အိမ်ထောင်သက်တမ်း ငါးနှစ်ကျော်လာပါပြီ။ ကျွန်မတို့မှာ မိဘကလည်း အမွေအနှစ်မထားခဲ့တဲ့ အတွက် ကိုယ့်ဒူးကိုယ်ချွန် ကိုယ့်ဘဝကိုယ် ကျောင်းခဲ့ရတဲ့ လူတွေပါ။ အသက် ၁၀ နှစ်အရွယ် မိဘလက်ထက်မှာကတည်းက အိမ်ငှားဘဝနဲ့ နေလာခဲ့တာ အိမ်ထောင်ကျတဲ့ သက်တမ်းနဲ့ပါ ထည့်တွက်လိုက်မယ် ဆိုရင် အိမ်ငှားဘဝနဲ့ နေလာခဲ့တာ ၁၇ နှစ် နီးပါး ရှိပါပြီ။ အိမ်ငှားဘဝနဲ့ နေလာခဲ့ရာမှာလည်း အိမ်ရှင်မျိုးစုံ၊ အိမ်မျိုးစုံ၊ အခက်အခဲမျိုးစုံနဲ့ နေလာခဲ့ရတာပါ။ တချို့အိမ်တွေဆို အိမ်က ကောင်းပေမယ့် အိမ်ရှင်က မကောင်း၊ အိမ်ရှင်က ကောင်းပေမယ့် အိမ်က မကောင်းနဲ့ နေလာခဲ့ရတာပါ။ ယခုအချိန်မှာ အိမ်ဈေးနှုန်းတွေ ကောင်းလာတာနဲ့အမျှ အိမ်ငှားခ ဈေးနှုန်းတွေလည်း များစွာကြီးမြင့်နေပါတယ်။ ပတ်ဝန်းကျင် သန့်သန့်၊ အိမ်သန့်သန့်နဲ့ နေချင်ပြီဆိုရင် အနည်းဆုံး အိမ်လစာ ငါးသောင်းမှ တစ်သိန်းဝန်းကျင် အထိ ရှိတတ်ပါတယ်။ ဒါတောင် သွားလာရေးလွယ်ကူတဲ့ မြို့တွင်းမြို့နယ်တွေမှာ ဒီနှုန်းနဲ့ မရနိုင်ပါဘူး။  ကျွန်မတို့ မိသားစုမှာ တစ်လစာရတဲ့ပိုက်ဆံကို အိမ်လစာနုတ်၊ အသုံးစရိတ်နုတ်၊ လူမှုရေးကိစ္စတွေနုတ်နဲ့  ကျန်ရှိတဲ့ငွေကို မနည်းစုမိအောင် လုပ်ရပါတယ်။ ပိုက်ဆံလေးစုမိလို့ အိမ်လေးဝယ်မယ် လုပ်ချိန်မှာ အိမ်ဈေးနှုန်းတွေ အဆမတန် ကြီးမားနေတဲ့အတွက် ကျွန်မတို့အတွက် အိမ်ပိုင်ရမယ့် အခွင့်အရေးတွေ ဝေးသထက်ဝေးလို့ လာနေပါပြီ။ အိမ်ဈေးနှုန်းများ ကြီးမားလာရတဲ့ အကြောင်းအရာတွေကို ဉာဏ်စွမ်းရှိသလောက် စဉ်းစားကြည့်တော့ အချက်အချို့ကို တွေ့ရပါတယ်။

ရန်ကုန်က အချို့ရပ်ကွက်တွေမှာတော့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ကွန်ကရစ်လမ်းတွေ ခင်းကျင်းပေးထားပြီး နောက်ပိုင်းမှာ အိမ်ပိုင်ရှင်တွေ၊ ပွဲစားတွေ၊ အကျိုးဆောင်တွေက လမ်းကောင်းလာမှုကို အခွင့်ကောင်းယူ၍ မြေကွက်နဲ့ အိမ်ဈေးနှုန်းများ မြှင့်ခေါ်လာတာ တွေ့ရပါတယ်။ နောက်ပြီး စီးပွားရေးလုပ်ငန်းရှင်များရဲ့ ဈေးကစားမှုတွေ၊ ပွဲစားနဲ့ အကျိုးဆောင်တွေက ဈေးကြီးအောင် တွန်းအားပေးတာမျိုးတွေကြောင့်လည်း အိမ်ဈေးနှုန်းများ ကြီးမားလာရခြင်းလို့ ထင်ပါတယ်။ ဘယ်အလုပ်မှ သိပ်မကောင်းတဲ့အချိန် မြေဝယ်ထားရင် အမြတ်သေချာတယ် ဆိုပြီး ငွေရှိသူတွေ အိမ်၊ မြေတွေဝယ် ရင်းနှီးလုပ်ကိုင်ကြလို့ တကယ်နေမယ့် သူတွေကတော့ အခန်းသေးသေးလေး ပိုင်ဖို့၊ မြေကွက်ကျဉ်းကျဉ်းလေး ပိုင်ဖို့တောင် မမျှော်မှန်းနိုင်အောင် ဈေးတွေ ကြီးလာပါတယ်။ အိမ်ဈေးနှုန်းများကို ကားဈေးနှုန်းများကဲ့သို့ ဈေးကျအောင် လုပ်မယ်ဆိုတဲ့ သတင်းတွေကိုလည်း ဖတ်ရပါတယ်။ အခွန်စနစ်ဖြင့်လည်း  အိမ်ဈေးနှုန်းများကို ထိန်းချုပ်မယ်လို့လည်း ဆိုပါတယ်။ ဒါပေမဲ့ အိမ်ခြံမြေ ဈေးနှုန်းများကတော့  ယခုနေရာ တော်တော်များများမှာ ဈေးကျတာမတွေ့ရဘဲ ဈေးနှုန်းများ တက်မြဲတက်ဆဲ၊ ရောင်းတဲ့သူကလဲ ရောင်း၊ ဝယ်တဲ့သူကလည်းဝယ်၊ ဘာအခွန်မှ ပေးစရာမလိုဘဲ တက်ဈေးများနဲ့သာ အရောင်းအဝယ်ဖြစ်နေတာကို တွေ့ရပါတယ်။ ယခုလို အိမ်ခြံမြေဈေးနှုန်းများ မကျသရွေ့တော့ ကျွန်မတို့လို လူတန်းစားတွေ အဖို့မှာတော့ အိမ်ပိုင်ရဖို့ လမ်းစ တဖြည်းဖြည်းဝေးလို့  လာနေပါပြီ။ အချိန်တန် အိမ်ပြန်ရတတ်စမြဲ ဆိုသလို အိမ်ဆိုတာ ကျွန်မတို့အဖို့ နားခိုစရာလေး တစ်ခုပါ။ ကျွန်မတို့လို လူတန်းစားတွေ နားခိုစရာလေး တစ်ခုရဖို့အတွက် နိုင်ငံတော်အစိုးရ အနေဖြင့် တန်ဖိုးနည်းအိမ်ရာ၊ တန်ဖိုးနည်း မြေကွက်များကို အမြန်ဆုံး အကောင်အထည် ဖော်နိုင်ပါစေလို့သာ ဆုတောင်းနေရင်း....။

အိမ်ဝေးသူ

Written by 7Day News
Thursday, 18 Oct 2012 16:02